ხანძთა, ოპიზა, დოლისყანა, სათლე, ტბეთი. ქაჯთა ციხე, ოლთისი, ბანა, პარხალი, ოთხთა, კავკასიძეების ციხე, უტას ციხე, შატბერდი, არტანუჯი, ჯოჯოხეთის კანიონი, ახიზის ციხე, იშხანი, თორთუმის ციხე და ჩანჩქერი, ოშკი, ხახული.

გასვლები ნებისმიერ დროს, თქვენი დაკვეთით, 3 კაციანი (ჯიპ-ტური), 6 კაციანი და 12 კაციანი ჯგუფების შევსებისას.

მგზავრობა მერსედესის ტიპის კომფორტული მინიბუსით. ღირებულებაში შედის დაზღვევა, სასტუმრო და ორჯერადი კვება. მოგემსახურებათ გიდი. ტურის ხანგრძლივობა: 4 დღე.

ყველა მონაწილეს დაურიგდება ტაო-კლარჯეთის რუკები და მასალები ძეგლების შესახებ.

ტბეთი – ტბეთის კათედრალი ტაო-კლარჯეთის არქიტექტურის ერთ-ერთი მშვენებაა. იგი მდებარეობს ისტორიულ შავშეთში, ქალაქ შავშათიდან დაახლოებით 15 კილომეტრზე (სოფელი ჩევიზლი)

ხანძთა – გრიგოლ ხანძთელის მიერ აგებული და უდიდესი სულიერების მატარებელი კერაა. შედარებით კარგადაა შემორჩენილია წმ. გიორგის სახელზე ნაკურთხი მონასტრის მთავარი ეკლესია და სამრეკლო, ხოლო ბერთა კელიები, მცირე სალოცავები, საოსტიგნე (სატრაპეზო) და სემინარია – ძლიერ დაზიანებულია.

დოლისყანა – ერთ-ერთი ყველაზე კარგად შემონახული ძეგლია. მისი სამხრეთ ფასადის სარკმლის ბარელიეფები გამორჩეულია, სადააც გამოსახული დავითის ვარსკვლავი ბაგრატიონების წმიდა მეფესთან კავშირზე მიუთითებს.


არტანუჯის ციხე – აშოტ კურაპალატის საცხოვრებელი სიმაგრე იყო. ციხე ამოზრდილ კლდეზე მდებარეობს და დომინირებს გარემოზე. სიმაგრიდან საოცარი ხედი იშლება, რაც აღაფრთოვანებს მნახველებს.

იშხანი – საბა იშხნელის მიერ IXს-ში განსრულებული ეკლესია, გამორჩეულია ფრესკული მხატვრობითა და ფასადების დეკორით. ლაჟვარდოვანი გუმბათი საოცარ სივრცეს ბადებს. ეკლესიის უძველესი ნაწილი მაგვალი საკურთხეველია (VII ს.), რომელიც ერთადერთია ქართულ ეკლესიათა შორის.


ოთხთა ეკლესია – X ს-ის ბაზილიკური ტიპის ტაძარია. ეკლესია ოთხი მახარებლის სახელზეა აგებული, საიდანაც გამომდინარეობს მისი სახელწოდებაც.

პარხალი – ასევე X საუკუნის ბაზილიკაა, რომელიც საკმაოდ კარგად არის შემონახული.


ოშკი – იყო ასეთი თქმულება, რომ პარხალი გამოირჩეოდა წყლებით, ხახული, მწიგნობრობით, იშხანი მოხატულობით, ხოლო ოშკი გრანდიოზულობით. იოანე ნათლისმცემლის სახელზე აგებული ეს ეკლესია, მართლაც გრანდიოზულია და წარუშლელ შთაბეჭდილებას ტოვებს.

ხახული – ყველზე კარგად შემონახული ქართული ძეგლია. იგი მწიგნობრობის გამორჩეული კერა იყო. აქ აღიზარდა და წერა-კითხვა ისწავლა, გიორგი მთაწმინდელმა, რასაც ყველგან სიამაყით აღნიშნავდა.


ოლთისი – დავით III კურაპალატის სიმაგრე იყო. იგი ბევრჯერ არის რესტავრირებული თურქების მიერ და ძველი იერსახე დაკარგული აქვს.

ბანა – ერთ-ერთი ყველაზე გამორჩეული იყო განსხვავებული არქიტექტურული ტიპით. იგი წარმოადგენდა სამსართულიან მრგვალ ეკლესიას, რომლის სიმაღლე 38 მეტრს აღწევდა. დღესდღეობით ეკლესია ძლიერ დაზიანებულია.